Azərbaycan Endokrinoloqlar Cəmiyyətinin ll Milli Konfransı

Tədbirdə Respublika Endokrinoloji Mərkəzinin direktoru Kəmalə Ağayeva başda olmaqla Mərkəzin həkim əməkdaşları aktiv iştirak edib.

Konfrans endokrinologiya sahəsində aktual mövzuların müzakirəsi, müasir yanaşmaların təqdimatı və elmi təcrübə mübadiləsi baxımından mühüm platforma olub.
Konfrans çərçivəsində mərkəzin əməkdaşı Yeganə Sultanova moderator qismində çıxış edərək elmi sessiyaların idarə olunmasına töhfə verib.

Tədbirdə endokrinoloji xəstəliklərin diaqnostika və müalicəsində yeni yanaşmalar, sübutlara əsaslanan tibb prinsipləri və xəstə yönümlü xidmət modelləri geniş müzakirə olunub.

Bu kimi elmi platformalar səhiyyə sahəsində bilik və təcrübə mübadiləsinin gücləndirilməsinə, eləcə də tibbi xidmətlərin keyfiyyətinin daha da artırılmasına mühüm töhfə verir.

Bütün xəbərlər