📌 Davamlı təhsil – keyfiyyətli tibbi xidmətin əsasını təşkil edir

24 yanvar tarixində keçirilən
“Tibb bacılarının diabetin idarə edilməsində rolu” mövzusunda elmi-praktik təlim konfransı
çərçivəsində Respublika Endokrinoloji Mərkəzinin (REM) və digər tibb müəssisələrinin
təxminən 50-yə yaxın tibb bacısı iştirak edib.
Konfrans diabet sahəsində beynəlxalq təcrübəyə malik mütəxəssislər –
Prof. Dr. Nermin Olgun və Prof. Dr. Selda Çelik tərəfindən aparılıb və iştirakçılara həm nəzəri biliklərin, həm də praktiki bacarıqların təkmilləşdirilməsi imkanı yaradıb.
📚 Təlim proqramına daxil idi:
• Diabetin epidemiologiyası, diaqnostikası və təsnifatı
• Diabetdə qidalanma və fiziki aktivliyin rolu
• Müasir insulin və oral antidiabetik müalicə yanaşmaları
• Diabetin kəskin və xroniki fəsadları
• Diabetli pasiyentlərin xəstəxana və ev şəraitində monitorinqi
🩺 Praktiki hissədə isə Respublika Endokrinoloji Mərkəzinin tibb bacıları Gülşən Əliyeva və İlahə Hüseynova tərəfindən:
• Qan şəkərinin ölçülməsi və sensorların tətbiqi
• İnsulinin düzgün yeridilməsi
• Diabetik ayağın müayinəsi üzrə praktiki bacarıqlar nümayiş etdirilib.

📜 Konfransın sonunda proqramı uğurla tamamlayan bütün iştirakçılara sertifikatlar təqdim olunub.
Bu cür elmi-praktik tədbirlər tibb bacılarının peşəkar inkişafına töhfə verməklə yanaşı, diabetli pasiyentlərə göstərilən tibbi xidmətin keyfiyyətinin artırılmasına xidmət edir.

Bütün xəbərlər