Endokrinoloji xidmətin təkmilləşdirilməsi

TƏBİB-in dəstəyi, Respublika Endokrinoloji Mərkəzinin (REM) və Bakı Baş Səhiyyə Mərkəzinin (BBSM) birgə təşkilatçılığı ilə “Endokrinoloji xidmətin təkmilləşdirilməsi” mövzusunda seminar keçirilib.
Seminarın əsas məqsədi uşaqlarda cinsi inkişafın düzgün qiymətləndirilməsi, bu dövrdə rast gəlinən patologiyaların vaxtında aşkarlanması və pasiyentlərin ixtisaslaşmış mütəxəssislərə yönləndirilməsinin təmin edilməsi olub.
REM-in uşaq endokrinoloqu dr. Könül Səmədova çıxışında uşaqlarda normal cinsi inkişafın başlama yaşı və mərhələləri, gecikmiş cinsi inkişafın klinik təzahürləri, diaqnostik yanaşmalar və müalicə prinsipləri barədə ətraflı məlumat verib, iştirakçıların suallarını cavablandırıb.
Mərkəzin uşaq endokrinoloqu dr. Təhminə Muradova isə uşaqlarda erkən cinsi inkişafın səbəbləri, diaqnostikası və müalicə üsulları haqqında məlumat təqdim edib, erkən diaqnostikanın əhəmiyyətini və mümkün fəsadları diqqətə çatdırıb.

Bütün xəbərlər